كيف تختار اسم لمنتج أو براند؟ دليلك العملي لتسمية ناجحة ولا تُنسى

اختيار اسم للبراند أو المنتج مش خطوة بسيطة زي ما بتبين.
الاسم هو أول انطباع، أول إحساس، وأول سبب ممكن يخلي حدا يتوقف عندك أو يتجاوزك.

سواء عم تطلق منتج جديد، خدمة، أو علامة تجارية كاملة – الاسم الصح ممكن يصنع الفارق بين فكرة بتظل محلية، وفكرة بتطير بعيد.

ليش الاسم مهم لهالدرجة؟

• الاسم هو الهوية قبل ما الناس يشوفوا التصميم

• الاسم الصح ببني ثقة أسرع

• اسم سهل = اسم بيتذكر

• اسم واضح = تسويق أسهل

طيب، كيف نبدأ نختار اسم مناسب للبراند؟

في عدة طرق ومعايير ممكن تساعدك توصل لاسم ذكي، متين، ويخدمك لسنين:1. فهم جمهورك

مين رح يسمع الاسم؟ شو لغته؟ شو ثقافته؟
اسم جذاب لمراهقين مش زي اسم مريح لأمهات، أو رسمي لأطباء.
ابدأ من الناس، مش من الفكرة.

2. وضح شو بتقدّم

هل الاسم بعكس نوع الخدمة أو المنتج؟
مش لازم يكون وصفي حرفي، بس على الأقل يعطي إحساس أو إشارة.

مثال:
“Dropbox” مش بس اسم – هو بيوصف وظيفة بسيطة بطريقة ذكية.

3. التميّز

جوجل، نتفليكس، أبل…
كلها أسماء ما كانت “منطقية” بأول لحظة، بسها تميزت بصوت، شكل، وسهولة نطق.

جرب اسم ما حد تاني عامله، وافحص توفره دومين واسم إنستغرام.

4. الاختصار والقوة

الاسم الطويل أو المعقّد ما بنحفظ بسهولة.
افضل اسماء البراند فيها مقطع أو مقطعين، وسهلة النطق.

أمثلة: Zara – Nike – Canva
واضحين، بسيطين، أقوياء.

5. اختبر الاسم

احكيه بصوت عالي، ابعته لناس، شو أول شعور؟
هل بتذكروه؟ بيسألوك شو يعني؟ ولا بفهموه فورًا؟
ردّة فعل الناس مهمة، مش بس ذوقك.

6. فكّر بالمستقبل

هل الاسم رح يظل مناسب لو كبرت؟
لو وسّعت الشغل أو نقلته لسوق جديد، رح يظل يخدمك؟
اسمك لازم يكون مرن.

أمثلة على أسماء ذكية:

• Notion – مش بس برمجية، “فكرة” مرنة

• Airbnb – من “Air Bed & Breakfast”، اسم فيه قصة

• Fiverr – من فكرة 5 دولار، واضح ومباشر

• Glossier – اسم بنغمة فخمة وناعمة، مناسب للجمال

نصيحة أخيرة:

الاسم مش لازم يكون كامل من أول محاولة.
جرب، عدّل، احكيه، وخلّي حدا ثاني يسمعه.
وإذا احتجت مساعدة، دايمًا في مين يساعدك تفكّر بعيون تانية.

إذا بتحضّر لإطلاق منتج أو مشروع جديد، وبتدوّر على اسم يحكي عنك صح – إحنا بنفكر معك.
من الفكرة الأولى… لاسم ما بينتسى.